Jaman Haramjadah?

Lawas ti lawas teu nonghol. Males pisan, rek nulis ukur nulis nu teu pararuguh kamana kareup teu puguh alang ujurna. Kumaha tuda, euweuh bakat keur namplokeun pikiran kana tulisan meureun.

Kabeneran poe ieu uing teu balik ti kantor buru-buru, he he he he maklum bisa internet teh ukur di kantor we, da ari ngahajakeun ulin ka warnet mah tara, lain naon-naon deui, teu boga duit euy. Maklum gaji teh teu sabaraha, teu naek-naek deuih. Geus sataun gawe gaji tetep we sakitu. Baheula si boss ngajanjikeun gaji naek 10 persen, tapi ditanyakeun ka hrd ceunah nu naek teh nu geus gawe sataun (kuring gawe sataun pas pisan poe ieu). Tapi ketah naek sapuluh persen teh moal karasa bedana, maklum inflasi 7,32% (BPS bulan Januari), ditambah naekna harga pertamax jeung elpiji, beuh kurang kurang pisan gaji sakieu teh.

Can leungit, beban alatan naekna pertamax jeung elpiji, isukan tanggal hiji maret 2005, pamarentah rek naekeun deui harga BBM, komo BBM nu ayeuna mah bakal karasa pisan pangaruhna kana kahirupan sim uing, pan nu naek teh premium, jeung solar.

Tadi sim uing maca laporan ti salah sahiji lembaga riset keur menko bidang politik. Ceunah Subsidi BBM dikurangan teh, kahiji, pikeun ngahemat dana nagara. Gedena bisa nepi ka 30 trilyun perak. Aleusan kadua, keur kaadilan. Salila ieu subsidi BBM teh, kalolobaanana ukur dirasakeun ku rakyat ti kalangan nu mampu, tah cenah engkena subsidi BBM teh bakal di alokasikeun keur ngabantuan rakyat leutik dina minuhan kabutuhan pokokna. Jeung aleusan nu katilu, perilaku ekonomi nu rasional.